Minningartónleikar 15. febrúar

Bergþóra Árnadóttir - Minningartónleikar

Þann 15. febrúar 2008 hefði Bergþóra Árnadóttir fagnað 60 ára afmæli sínu. Að því tilefni verða haldnir tónleikar til minningar um söngvaskáldið og baráttukonuna en hún lést langt fyrir aldur fram í mars 2007.

 

Margir af okkar frambærilegustu söngvurum og hljóðfæraleikurum munu klæða tímalaus lög Bergþóru í nýjan búning. Þeirra á meðal eru Ragnheiður Gröndal, Magga Stína, Lay Low, Hansa, Svavar Knútur, Jónas Sigurðsson, Hjörleifur Valsson, Björgvin Gíslason, Birgir Bragason, Ástvaldur Traustason, Steingrímur Guðmundsson og fleiri.

 

Það er Hjörleifur Valsson sem hefur veg og vanda að skipulagningu tónleikanna.

 

Tónleikarnir verða í Salnum Kópavogi og hefjast klukkan 20:30. Miðaverð 2.700. Miðarnir munu fást á midi.is og hjá salurinn.is. Sala hefst fimmtudaginn 31. janúar.

 

Í aðdraganda tónleikana mun Dimma gefa út 5 diska heildarsafn með tónlist Bergþóru sem spannar allan hennar tónlistarferil.

 

Diskarnir verða á sérstöku tilboðsverði á tónleikunum. Læt ykkur vita um leið og ég hef tölur og slíkt. 

 

Athugasemdir

[Kristín Hannesdóttir (IP-tala skráð) 23.1.2008 kl. 00:37]

Hvar eru miðarinir á tónleikana seldir?

Með kveðju

Kristín

[Sveinn Hjörtur , 23.1.2008 kl. 23:23]

Flott framtak! Lífsbókin er lag sem ég er afar hrifin af. Þegar ég heyrði það fyrst, táraðist ég - Þá bara pjakkur!

[Birgitta Jónsdóttir, 24.1.2008 kl. 07:22]

Lífsbókin verður auðvitað tekin á tónleikunum... Ragnheiður Gröndal mun syngja það... Þetta er án efa eitt besta ljóð Laufeyjar Grótaþorpsömmu.

[Margrét Birna Auðunsdóttir, 27.1.2008 kl. 13:27]

Ehemm, fagnað, ekki fangað

Málfræðinördið