Nýi Kvartettinn á árlegum minningartónleikum

til heiðurs Bergþóru Árnadóttur söngvaskálds

Frumfluttar verða  nýjar útsetningar Nýja Kvartettsins á lögum Bergþóru við ljóð hennar og margra þjóðkunnra skálda. Hér verður einstakt tækifæri til að heyra nýjar og áður óþekktar hliðar á lögum Bergþóru í flutningi þeirra Gissurar Páls Gissurarsonar tenórs, Hjörleifs Valssonar fiðluleikara, Örnólfs Kristjánssonar sellóleikara og Árna Heiðars Karlssonar píanóleikara sem saman skipa Nýa Kvartettinn. Þeir eru allir mjög virkir í íslensku tónlistarlífi og hafa sem kvartett vakið athygli fyrir vandaðan flutning og skemmtilega sviðsframkomu.  

Óhætt er að mæla með þessum sögulegu tónleikum sem hefjast í Salnum kl. 20:00 á afmælisdegi Bergþóru 15.febrúar.