Gott er að lifa

Frá undanúrslitum Eurovision 1990.

 

Myndband af Hönsu að syngja: Draumur

Bergþóra tileinkaði þessu lagi fyrrum manni sínum Jóni Ólafssyni þetta lag. Söng það við minningarathöfnina sem var haldinn á Sjómannadaginn fyrir margt löngu. Hansa flytur það svo fallega. Hún hefur svo sérstæða og fallega rödd. 

 

Myndband með Svavari Knúti: Gígjan

Þessi maður er með eina alfallegustu rödd sem prýðir Íslending. Mikil gæfa að hafa fengið hann til að vera með á minningartónleikum Bergþóru Árnadóttur. Erum með í burðarliðum að gefa út tónleikana - hvenær það verður mun koma í ljós í næstu viku. Leyfi ykkur að sjálfsögðu að fylgjast með.

 

Heildarútgáfan: Plata vikunnar hjá Rás 2

Þessa vikuna verður Heildarútgáfa Bergþóru Árnadóttur plata vikunnar hjá Rás 2. Hvet fólk til að leggja við hlustir. 

Svavar Knútur syngur: Frá liðnu vori

Upptaka úr Kastljósi sem ég fann á YouTube.

Hann Svavar Knútur flytur þetta svo rosalega fallega.

 

Páll Óskar, Ragnheiður Gröndal, Svavar Knútur,

Jónas Sig og Jón Tryggvi ... brotabrot af aukatónleikunum sem ég tók á myndavélina mína. Þetta var allt tekið upp á alvöru græjur og verður gefið út áður en árið er úti. Því miður kláraðist plássið á myndavélinni minni áður en ég gat fest á myndband Möggu Stínu og Hönsu en þær voru auðvitað ótrúlega flottar eins og allir hinir.  

 

Páll Óskar syngur Sýnir á Stöð 2 á eftir

Fékk bara að vita það rétt í þessu að Páll Óskar ásamt hluta af Bergþórubandinu, Björgvin Gíslason, Birgir Bragason og Hjörleifur Valsson munu koma fram í Ísland í dag á eftir... Páll Óskar flytur lagið Sýnir sem hann gerði líka í Himnaför Bergþóru Árnadóttur á ógleymanlegan hátt. 

Hvet svo fólk til að tryggja sér miða en síðast þá seldust miðarnir mjög hratt upp á meðan Kastljósþátturinn var í gangi:)  

 

Aukatónleikarnir

Minni alla á að nú fer að líða að aukatónleikunum til heiðurs Bergþóru Árnadóttur. Tónleikarnir verða á laugardaginn kemur og verða þeir haldnir í Grafarvogskirkju klukkan 20:30. Tónleikarnir verða með sama sniði og síðast en státa tveimur auka söngvurum: Páli Óskari og Jóni Tryggva Unnarssyni. Markmið okkar sem stöndum fyrir tónleikunum er að gefa tónlistarfólki vettvang og tónlistarlega umgjörð með hinu frábæra bandi sem Hjörleifur Valsson valdi saman, en hljómsveitina skipa: Ástvaldur Traustason á píanó, Birgir Bragason á bassa og kontrabassa, Björgvin Gíslason á gítar og sítar, Hjörleifur Valsson á fiðlu, Steingrímur Guðmundsson á slagverk og Tatu Kantomaa á harmonikku.

Okkar leið til að heiðra minningu Bergþóru er að hvetja annað tónlistarfólk flytja tónlistina hennar en lögin hennar eru tímalaus og völundarsmíð sem fallið getur inn í hvaða tónlistarstefnu sem er. Það sem ef til vill er einkennandi við lögin hennar er hin mikla virðing sem hún bar til ljóða en þau voru ómissandi efniviður laga hennar. 

Söngvar sem voru með síðast og verða með aftur: Ragnheiður Gröndal, Hansa, Magga Stína, Jónas Sig og Svavar Knútur 

Slóð í útsendinguna á Rás 2 af Minningartónleikum Bergþóru Árnadóttur

Með því að smella hér geturðu hlustað á Minningartónleikana í heild sinni, en þetta er um tveggja tíma dagskrá. Ég hlustaði á þetta í gær og fannst þeir ekkert síðri í seinni hlustun. Vantaði þó að sjá hina litríku flytjendur og að finna inn að beini hina rafmögnuðu og ævintýralegu stemmningu sem var í Salnum...

Vil þakka Andreu Jóns og Óla Palla fyrir að gera þessa útsendingu mögulega... alveg hreint eðal fólk. Veit ekki hvar íslensk tónlist væri stödd ef Rás 2 myndi ekki sinna sínu hlutverki svona vel og miklu meira en það.  

 

Miðasala á aukatónleikana hafin

Hægt er að fá miða á aukatónleikana til heiðurs Bergþóru Árnadóttur á midi.is.