Aukatónleikarnir

Minni alla á að nú fer að líða að aukatónleikunum til heiðurs Bergþóru Árnadóttur. Tónleikarnir verða á laugardaginn kemur og verða þeir haldnir í Grafarvogskirkju klukkan 20:30. Tónleikarnir verða með sama sniði og síðast en státa tveimur auka söngvurum: Páli Óskari og Jóni Tryggva Unnarssyni. Markmið okkar sem stöndum fyrir tónleikunum er að gefa tónlistarfólki vettvang og tónlistarlega umgjörð með hinu frábæra bandi sem Hjörleifur Valsson valdi saman, en hljómsveitina skipa: Ástvaldur Traustason á píanó, Birgir Bragason á bassa og kontrabassa, Björgvin Gíslason á gítar og sítar, Hjörleifur Valsson á fiðlu, Steingrímur Guðmundsson á slagverk og Tatu Kantomaa á harmonikku.

Okkar leið til að heiðra minningu Bergþóru er að hvetja annað tónlistarfólk flytja tónlistina hennar en lögin hennar eru tímalaus og völundarsmíð sem fallið getur inn í hvaða tónlistarstefnu sem er. Það sem ef til vill er einkennandi við lögin hennar er hin mikla virðing sem hún bar til ljóða en þau voru ómissandi efniviður laga hennar. 

Söngvar sem voru með síðast og verða með aftur: Ragnheiður Gröndal, Hansa, Magga Stína, Jónas Sig og Svavar Knútur 

Athugasemdir

[Kristján Kristjánsson, 1.4.2008 kl. 12:55]

Hvet alla til að sjá þennann atburð. Ég sá fyrri tónleikana og þeir voru geysilega eftirminnilegir. Á ekki heimangegnt því miður á laugardag annars mundi ég mæta aftur

[Ásthildur Cesil Þórðardóttir, 2.4.2008 kl. 23:31]

Gott gengi.

[Bergþóra Árnadóttir - RIP 15.2.48 - 8.3.07, 3.4.2008 kl. 18:42]

takk og takk og takktakk:)

[Ingibjorg G Guðmundsdóttir (IP-tala skráð) 9.4.2008 kl. 00:59]

O o o o o ég var að koma til landsins í gær. Hefði svo gjarnan viljað fara aftur.

En .... svona er lífið stundum. Ingibjörg frænka.